حكم و أ قوال مغربية

حكم و أقوال مغربية :

1. الصمت حكمة و منوا تفرقوا لحكام كن ما ڭرڭرات لحمامة ما يجي لحنش هايم .
2. اللي معندوا بهيمة ، في الهم ديما .
3. اللي دار يدو فلغار كيقرس الحنش .
4. ضاد لا تحسد .
5. ربط تلقا ما تطلق .
6. اللي خاف نجا .
7. شاف الربيع ما شاف الحافة .
8. اللي تخليك خليها .
9. سير بالمهل توصل .
10. الحيلة حسن من العار .
11. هاك وأرا مفيها حزارة .
12. اللي فاتك بليلة فاتك بحيلة .
13. الطمع طاعون .
14. اللي دار راسوا فالنخالة كينقبوا الدجاج .
15. لا حيلة مع الله .
16. ما حاس بالمزود غير لي مدروب بيه .
17. الخاوة حدها الدنيا .
18. اللي بغاها كلها كيخليها كلها .
19. اللي حسدك عطاك .
20. دير مدار جارك و لا حول باب دارك .
21. النعاس كيداوي الراس .
22.  لا توصي ذيب على انعاج .
23. قلة الشي كترشي .
24. النوم و الكسل أحلى من العسل .
25. اللي دارها بيديه يفكها بسنيه .
26. اللي ما عرفك خسرك .
27. الزيادة من راس لحمق .
28. الفايق عطيه و الناعس غطيه .
29. ورثة ولا حرثة ولا سير حتى .
30. دكة باردة حسن من ناقة والدة .
31.  بنادم هو اللي يتمسكن حتى يتمكن .
32. ڭلسة بلا براد بحال خيمة بلا وتاد .
33. اللي حن كيتمحن .
34. اللي بغى لبيض لغليض ميطلقش دجاجو فزريبت لغير .
35. كنا كنتسناو لفقيه يدخل بباركتوا سع هو دخل ببلغتوا .
36. عيش وتعلم باش لمرا جاية تتعلم .
37. دير همك فالشبكة شي يطيح شي يبقا .
38. البطل لا يعرف الكسل و به يدرب المثل .
39. ضربني وبكا صبقني وشكى .
40. اللي فيه الفز كيقفز .
41. كفي الخابية على فمها طلع لبنت تشبه لمها .
42. يد واحد لا تصفق لاكنها تصرفق .
43. مشى غير إفوج رجع مجوج .
44. كون قاسح أتكون هاني كون حنين غد تعاني .
45. زعم تكل لحم .
46. الحب بلا غيرة ... بحال لخبز بلا خميرة .
47. معمرك متقول ندمت قول تعلمت .
48. عام وهو يختار فلخر دا بنت لمختار .
49. لي كرهني ولا نساني معراني مكساني بلعكس هناني .
50. مقدوا فيل زدوه فيلا .
51. لي تصحر معى دراري صغار كيصبح فاطر .
52. لمنحوس منحوس وخا يعلق فعنق فانوس .
53. اللي لقا راحتو فالهبال معندو مايدير بالعقل .
54. اللي حبك ما بناليك قصر واللي كرهك ما حفر ليك قبر .
55. بنت الحلال تحبك وتصونك و بنت الحرام تضرب ليك جيوبك وتخونك .
56. بالمال تحقق المحال .
57. الرجل هو الكلمة .
58. قاليه شمتك قاليه عرفتك .
59. ما تعرف الواحد حتى تعاشروا .
60. الجديد جديد و القديم لا تفرط فيه .

mohamed

نسعى دوما جاهدين للتحسن والتقدم وليس ما تراه هو حدودنا! ونحن نقدر كثيرا زوارنا وآراؤهم فإن كان لديك أي اقتراح أو نصيحة نستطيع بنائها أو ما إلى ذلك يمكنك مشاركتنا كل ما في ذهنك من خلال تعليق أو الإتصال بنا .

Facebook

شارك هذا المنشور

اشترك في بريدنا الالكتروني

منشورات مشابهة